વિધાનસભ્ય જિગ્નેશ મેવાણી એ રાજ્યમાં વધી રહેલા દારૂ અને ડ્રગ્સના દૂષણ મુદ્દે સરકારની કડક ટીકા કરી છે. મેવાણીનું કહેવું છે કે આજે જો નશાના વધતા પ્રકોપ પર સવાલ પૂછીએ, જવાબદારીની વાત કરીએ અથવા સરકારને તેની ફરજ યાદ કરાવીએ — તો એને શાસકો દ્વારા “ગર્વ” ગણવામાં આવે છે, જ્યારે હકીકતમાં સરકાર અને મંત્રીઓને શરમ આવવી જોઈએ.
મેવાણી એ જણાવ્યું કે ગુજરાતના યુવાનો નશાના કારણે મૃત્યુ પામી રહ્યા છે, અનેક પરિવારો તૂટી રહ્યા છે, છતાં પણ સરકાર દરેક પ્રશ્નકર્તા અવાજને દબાવવા એક થઈ રહી છે.
“આ ગર્વ નથી — આ તો પોતાની નિષ્ફળતા છુપાવવાનો સૌથી સરળ રસ્તો છે,” તેઓએ કહ્યું.
મેવાણી એ વધુમાં જણાવ્યું કે તેમને ગર્વ એ વાતનો છે કે તેઓ એ પીડા બોલી રહ્યા છે, જે ગુજરાતના હજારો ઘરોમાં, દરેક માતા-પિતાના દિલમાં વર્તાઈ રહી છે.
“જનતા બધું જોઈ રહી છે — કોણ સત્ય માટે ઊભું છે અને કોણ સત્યને ઢાંકી રહ્યું છે,” એમ તેમણે ભારપૂર્વક જણાવ્યું.
