આજ રોજ વોર્ડ નં. 5 સ્થિત હરિઓમ સોસાયટીમાં ધારાસભ્ય શ્રી કાંતિ બાલર સાહેબની ઉપસ્થિતિમાં નવી પાણીની લાઇનનું ખાતમુહૂર્ત કરવામાં આવ્યું હતું. આ પ્રોજેક્ટ દ્વારા વિસ્તારમાં પીવાના પાણીની સુવિધા વધુ મજબૂત બનશે.
આ કાર્યક્રમમાં વોર્ડ નં. 5ની કોર્પોરેટર નિરાલી પટેલ સાથે વોર્ડના સંગઠનના હોદ્દેદારશ્રીઓ અને કાર્યકર્તાશ્રીઓ ઉપસ્થિત રહ્યા હતા. નિરાલી પટેલે જણાવ્યું કે નવી પાણીની લાઇન શરૂ થવાથી હરિઓમ સોસાયટીના રહીશો માટે નિયમિત અને પૂરતું પાણી ઉપલબ્ધ બનશે.
ધારાસભ્ય કાંતિ બાલર સાહેબે આ અવસરે નાગરિકોની મૂળભૂત સુવિધાઓને પ્રાથમિકતા આપવાની પ્રતિબદ્ધતા વ્યક્ત કરી હતી. સ્થાનિક રહેવાસીઓએ પણ આ પહેલને આવકાર આપી સંતોષ વ્યક્ત કર્યો હતો.
